پاکستان میں 2025 کی پہلی تین سہ ماہیوں میں 53 لاکھ سے زائد سائبر حملے رپورٹ

پاکستان میں 2025 کی تین سہ ماہیوں کے دوران 53 لاکھ سے زائد سائبر حملے رپورٹ ہوئے ہیں۔

 عالمی سائبر سیکیورٹی کمپنی کیسپرسکی کی رپورٹ کے مطابق، 27 فیصد صارفین میل ویئر حملوں کا شکار ہوئے، جب کہ 24 فیصد کارپوریٹ اداروں کو متاثرہ ڈیوائسز کی وجہ سے مختلف خطرات کا سامنا کرنا پڑا۔

رپورٹ میں بتایا گیا کہ 25 لاکھ سے زائد ویب بیسڈ حملے ناکام بنائے گئے، جبکہ فشنگ، بوٹ نیٹ اور جعلی وائی فائی حملوں میں بھی اضافہ ریکارڈ کیا گیا۔

 کیسپرسکی کے مطابق 3 لاکھ 54 ہزار ایکسپلائٹ اٹیمپٹس بلاک کیے گئے، 1 لاکھ 66 ہزار بینکنگ میل ویئر حملے روکے گئے اور 1 لاکھ 26 ہزار اسپائی ویئر حملے ناکام بنائے گئے۔

ملک میں رینسم ویئر کے 42 ہزار سے زائد حملے بھی رپورٹ ہوئے۔ 

رپورٹ میں مزید کہا گیا کہ ہیکرز نے ہائی ویلیو اہداف کو نشانہ بنایا اور ون رار، آفس اور وی ایل سی میں موجود کمزوریوں سے فائدہ اٹھایا۔

 پاکستان پر سات مختلف اے پی ٹی گروپس کے حملے بھی ہوئے، جن میں ‘مِسٹریئس ایلیفینٹ’ گروپ کی جانب سے حساس اداروں کے خلاف ٹارگٹڈ مہم شامل ہے۔

رپورٹ میں صارفین کو ہدایت کی گئی کہ وہ بنیادی سائبر ہائجین اپنائیں اور اپنے سسٹمز کو باقاعدگی سے اپ ڈیٹ رکھیں تاکہ حملوں سے محفوظ رہیں۔