معروف کامیڈین طارق ٹیڈی کی وفات کو تین سال مکمل

معروف کامیڈین طارق ٹیڈی کو مداحوں سے بچھڑے تین برس مکمل ہو گئے۔

طارق ٹیڈی 12 اگست 1976ء کو فیصل آباد میں پیدا ہوئے اور کم عمری میں ہی اپنے شہر سے سٹیج اداکاری کا آغاز کیا۔ بعد ازاں لاہور منتقل ہونے کے بعد ان کے کیریئر کو چار چاند لگ گئے۔ انہوں نے متعدد سٹیج ڈراموں میں پرفارم کیا اور مداحوں سے بے پناہ داد سمیٹی۔

طارق ٹیڈی کے مشہور سٹیج ڈراموں میں چالاک طوطے، ماما پاکستانی، سب کہو بارہ روپیہ، ربا عشق نہ ہووے، حسن میری مجبوری، جی کردا، کریزی، مٹھیاں شرارتاں، خوش آمدید اور دوستی شامل ہیں۔

وہ بڑی سکرین پر بھی جلوہ گر ہوئے اور 2004ء میں فلم ’’سلاخیں‘‘ میں اپنی اداکاری کے جوہر دکھائے۔

کچھ عرصہ جگر کے عارضہ میں مبتلا رہنے کے بعد، طارق ٹیڈی 19 نومبر 2022ء کو لاہور میں انتقال کر گئے تھے