اقوام متحدہ میں ڈنمارک کی سفیر کا کالعدم ٹی ٹی پی کو خطرہ قرار دینا

اقوام متحدہ میں ڈنمارک کی سفیر کرسٹینا مارکس لاسن نے کہا ہے کہ افغانستان میں کالعدم ٹی ٹی پی کے تقریباً 6 ہزار جنگجو موجود ہیں جو خطے کی سکیورٹی کو شدید خطرے میں ڈال رہے ہیں۔

انہوں نے بتایا کہ طالبان حکومت کالعدم ٹی ٹی پی کو لاجسٹک سپورٹ اور تعاون فراہم کر رہی ہے، جس کے نتیجے میں پورے خطے میں دہشت گردی کے خطرات بڑھ گئے ہیں۔

سفیر نے کہا کہ کالعدم ٹی ٹی پی نے افغان سرزمین کو استعمال کرتے ہوئے پاکستان میں متعدد حملے کیے، جن کے باعث پاکستان کو بڑے پیمانے پر جانی نقصان برداشت کرنا پڑا۔

 یہ صورتحال نہ صرف پاکستان بلکہ پورے خطے کے امن و استحکام کے لیے شدید تشویش کا باعث ہے۔

کرسٹینا مارکس لاسن نے عالمی برادری پر زور دیا کہ وہ اس بڑھتے ہوئے خطرے کا سنجیدہ نوٹس لے اور افغانستان میں دہشت گرد گروہوں کی محفوظ پناہ گاہوں کے خاتمے کے لیے مشترکہ اقدامات کرے۔