نیوزی لینڈ نے ویسٹ انڈیز کے خلاف پہلے ٹیسٹ کے لیے 14 رکنی اسکواڈ کا اعلان کر دیا

news-banner

کھیل - 24 نومبر 2025

نیوزی لینڈ نے ویسٹ انڈیز کے خلاف ٹیسٹ سیریز کے ابتدائی میچ کے لیے 14 رکنی اسکواڈ جاری کر دیا ہے، جس میں ٹام لیتھم بطور کپتان ٹیم کی قیادت کریں گے۔

 

سابق کپتان کین ولیمسن ایک بار پھر ٹیسٹ اسکواڈ میں واپس آ گئے ہیں، جبکہ جیکب ڈفی، زیک فولکز اور بلیئر ٹکنر کو بھی شامل کیا گیا ہے۔ نیوزی لینڈ کرکٹ کے مطابق کائل جمیسن اور گلین فلپس کو پہلے ٹیسٹ کے لیے منتخب نہیں کیا گیا۔

 

اسکواڈ میں ڈیرل مچل بھی شامل ہیں، جو گروئن انجری سے صحت یاب ہونے کے بعد ٹیم کا حصہ بنے ہیں۔

 

یاد رہے کہ نیوزی لینڈ اور ویسٹ انڈیز کے درمیان پہلا ٹیسٹ 2 دسمبر سے کرائسٹ چرچ میں شروع ہوگا، جبکہ دوسرا ٹیسٹ 10 دسمبر اور تیسرا 18 دسمبر سے کھیلا جائے گا۔