ایمیزون نے بلیک فرائیڈے پر صارفین کو آن لائن فراڈ سے خبردار کیا

ایمیزون نے بلیک فرائیڈے کے موقع پر اپنے 300 ملین سے زائد صارفین کو خبردار کیا ہے کہ وہ آن لائن خریداری کرتے وقت دھوکہ دہی سے محتاط رہیں۔

غیر ملکی میڈیا کے مطابق، ایمیزون کا کہنا ہے کہ بلیک فرائیڈے پر اسکیمرز زیادہ سرگرم ہو جاتے ہیں، اسی لیے صارفین کو جعلی پیغامات اور اشتہارات کے بارے میں آگاہ کرنے کے لیے ای میل بھیجی گئی ہے۔

ای میل میں بتایا گیا ہے کہ کس طرح خریدار نشانہ بنائے جا رہے ہیں، جن میں غیر ضروری فون کالز اور ای میلز شامل ہیں، جو صارفین سے اکاؤنٹ کی اسناد کی تصدیق کرنے کو کہتی ہیں۔

نیشنل ٹریڈنگ اسٹینڈرڈز (NTS) کے مائیک اینڈریوز کے مطابق، جعل ساز کرسمس کے دوران بلیک میلنگ میں زیادہ سرگرم ہو جاتے ہیں کیونکہ یہ سال کا سب سے مصروف وقت ہوتا ہے۔

 NTS نے خبردار کیا کہ تقریباً 6.4 ملین صارفین جعلی اشتہار پر کلک کرنے کے بعد نقصان اٹھا چکے ہیں۔

ایمیزون نے صارفین کو درج ذیل چیزوں سے محتاط رہنے کی ہدایت کی ہے:

• ڈیلیوری یا اکاؤنٹ کے مسائل کے بارے میں جعلی پیغامات۔
•  
• فریق ثالث کے سوشل میڈیا اشتہارات جو صارف کو اپنی ویب سائٹ یا موبائل ایپ پر خریداری کے لیے لے جاتے ہیں۔
•  
• غیر سرکاری ذرائع سے آنے والے پیغامات جو پاس ورڈ یا ادائیگی کی معلومات طلب کرتے ہیں۔
•  
• جعلی یا فشنگ ویب سائٹس کے لنکس جو اکاؤنٹ کی اسناد کی تصدیق کرنے کو کہتے ہیں۔
•  
• ٹیک سپورٹ یا دیگر ایجنسیوں کے نام پر غیر ضروری فون کالز۔
•  

ایمیزون نے واضح کیا کہ وہ کبھی بھی صارفین سے ان کے اکاؤنٹ کی اسناد کی تصدیق کے لیے ای میل نہیں بھیجے گا۔