مریم نواز نے بچوں پر ہتھکڑیاں لگانے سے روکتے ہوئے 16 سالہ طلبہ کے لیے ڈرائیونگ لائسنس کی منظوری دے دی

وزیر اعلیٰ پنجاب مریم نواز شریف نے ٹریفک قوانین کی خلاف ورزی پر بچوں کو گرفتار کرنے پر سخت برہمی کا اظہار کرتے ہوئے پولیس کو فوری کارروائی سے روکا۔ اجلاس میں فیصلہ کیا گیا کہ صوبے میں 16 سال کے بچوں کو اسمارٹ کارڈ اور موٹر سائیکل ڈرائیونگ لائسنس جاری کیا جائے گا۔

صوبے بھر میں ٹریفک پولیس عوام، خاص طور پر طلبہ کے لیے ہفتہ آگاہی منائے گی، اور ہیلمٹ نہ پہننے کی پہلی خلاف ورزی پر وارننگ چالان دیا جائے گا۔ ٹریفک کے لیے پہلی بار ڈرون اور باڈی کیم کا استعمال بھی شروع کیا گیا ہے۔

مریم نواز نے کہا کہ کم عمر بچوں کا قصور نہیں، والدین کو ہیلمٹ پہننے کی اہمیت سمجھانی چاہیے۔ انہوں نے شہریوں سے کہا کہ ٹریفک قوانین پر عملدرآمد یقینی بنانے میں اپنا کردار ادا کریں، اور ٹریفک پولیس عوام کے احترام اور شائستگی کا خیال رکھے۔