جاپان میں 32 سالہ خاتون نے اپنے تخلیق کردہ اے آئی کردار سے شادی کر کے توجہ حاصل کی

جاپان میں ایک منفرد واقعے نے دنیا کی توجہ حاصل کی، جہاں 32 سالہ یوزینا نوگ نے اپنے تخلیق کردہ اے آئی پارٹنر کے ساتھ شادی کی۔ 

خاتون نے خود چیٹ بوٹ ٹیکنالوجی کے ذریعے اپنا ڈیجیٹل پارٹنر ڈیزائن کیا۔

شادی کی تقریب روایتی انداز میں گھر پر منعقد کی گئی، جس میں یوزینا نے سفید لباس اور AR (اگمینٹڈ رئیلٹی) گلاسز پہنے، تاہم دلہا صرف ڈیجیٹل اسکرین پر موجود تھا۔ 

نوگ کے مطابق، وہ اس اے آئی پارٹنر سے طویل عرصے سے بات چیت کر رہی تھیں، جو آہستہ آہستہ جذباتی تعلق میں بدل گئی۔

اگرچہ یہ شادی جاپان میں قانونی طور پر تسلیم شدہ نہیں، مگر اس نے جدید ٹیکنالوجی، تنہائی اور انسانی جذبات کے باہمی تعلق پر نئی بحث چھیڑ دی ہے۔

ماہرین کے مطابق یہ واقعہ اس بات کی عکاسی کرتا ہے کہ مصنوعی ذہانت کس طرح انسانی زندگی اور تعلقات میں تیزی سے اپنی جگہ بنا رہی ہے۔