ایشز: انگلینڈ نے آسٹریلیا کو 4 وکٹوں سے شکست دے کر 14 سال بعد ٹیسٹ میں فتح حاصل کی

ایشز سیریز کے چوتھے ٹیسٹ میں انگلینڈ نے آسٹریلیا کو 4 وکٹوں سے شکست دے دی، یہ انگلینڈ کی آسٹریلیا کے خلاف ٹیسٹ میں 14 سال بعد پہلی فتح ہے۔

باکسنگ ڈے ٹیسٹ میں انگلینڈ نے 175 رنز کے ہدف کو 6 وکٹوں کے نقصان پر حاصل کیا۔

 جیکب بیتھل 40 اور زیک کرالی 37 رنز کے ساتھ نمایاں رہے، بین ڈیکٹ نے 34 اور جو روٹ نے 15 رنز بنائے، جبکہ برائیڈن کارس نے 6 اور بین اسٹوکس نے 2 رنز کا اضافہ کیا۔

آسٹریلیا نے پہلی اننگز میں 152 اور دوسری اننگز میں 132 رنز بنائے۔

 یہ ٹیسٹ صرف دو دن میں ختم ہو گیا، تاہم آسٹریلیا چوتھا ٹیسٹ ہارنے کے باوجود پانچ میچوں کی سیریز میں 3-1 کی فیصلہ کن برتری حاصل کر چکا ہے۔

سیریز کا پانچواں اور آخری ٹیسٹ 4 جنوری سے سڈنی میں کھیلا جائے گا۔