عالمی و مقامی مارکیٹ میں سونے کی قیمت میں مسلسل دوسرے روز بڑی کمی

کراچی: عالمی اور مقامی مارکیٹوں میں اچانک کمی کے باعث سونے کی قیمت آج مسلسل دوسرے روز بھی نیچے آ گئی۔

بین الاقوامی بلین مارکیٹ میں منگل کے روز سونے کی فی اونس قیمت میں 107 ڈالر کی نمایاں کمی ریکارڈ کی گئی، جس کے بعد سونا 4 ہزار 371 ڈالر فی اونس پر آ گیا۔

اسی اثر کے تحت مقامی صرافہ بازاروں میں 24 قیراط فی تولہ سونا 10 ہزار 700 روپے سستا ہو کر 4 لاکھ 59 ہزار 462 روپے کی سطح پر پہنچ گیا، جبکہ 10 گرام سونے کی قیمت 9 ہزار 174 روپے کمی کے بعد 3 لاکھ 93 ہزار 914 روپے ہو گئی۔

سونے کے ساتھ ساتھ چاندی کی قیمت میں بھی کمی دیکھی گئی، ملک میں چاندی کی فی تولہ قیمت 145 روپے گھٹ کر 7 ہزار 930 روپے ہو گئی۔

واضح رہے کہ گزشتہ روز پیر کو بھی چھ دن کے وقفے کے بعد عالمی اور مقامی مارکیٹوں میں سونے کی قیمتوں میں کمی ریکارڈ کی گئی تھی۔