ریاستی اداروں کے خلاف ڈیجیٹل دہشت گردی: عادل راجہ سمیت 5 ملزمان کو دو، دو بار عمر قید

اسلام آباد: انسداد دہشت گردی عدالت نے ریاستی اداروں کے خلاف ڈیجیٹل دہشت گردی کے کیس میں عادل راجہ، حیدر مہدی، وجاہت سعید، صابر شاکر اور معید پیرزادہ کو دو، دو بار عمر قید کی سزا سنا دی۔

عدالت نے دیگر دفعات کے تحت ملزمان کو مجموعی طور پر 35 سال قید اور 15 لاکھ روپے جرمانہ بھی عائد کیا۔

 سماعت کے دوران 24 گواہان عدالت میں پیش ہوئے اور پراسیکیوشن کی استدعا پر ملزمان کی غیر موجودگی میں ٹرائل مکمل کیا گیا۔

انسداد دہشت گردی قوانین کے تحت ملزمان کی غیر موجودگی میں ٹرائل جائز قرار دیا گیا ہے۔ 

عدالت نے تھانہ آبپارہ اور تھانہ رمنا کے مقدمات میں متعلقہ ملزمان کو مختلف سزائیں سنائیں۔

 گلفام اشرف گورائیہ ایڈووکیٹ کو ملزمان کا وکیل مقرر کیا گیا تھا۔