ٹرمپ کی ایران کے مظاہرین پر تشدد کی صورت میں فوجی مداخلت کی دھمکی، ایرانی مشیر نے خبردار کیا

news-banner

دنیا - 02 جنوری 2026

امریکی صدر ڈونلڈ ٹرمپ نے سوشل میڈیا پر کہا ہے کہ اگر ایران میں پُرامن مظاہرین پر تشدد کیا گیا یا انہیں قتل کیا گیا تو امریکا ان کے دفاع کے لیے فوراً مداخلت کرے گا۔

 

ایرانی سپریم لیڈر آیت اللہ خامنہ ای کے مشیر علی لاریجانی نے اس بیان پر ردعمل دیتے ہوئے خبردار کیا کہ امریکی مداخلت خطے میں افراتفری اور کشیدگی بڑھانے کے مترادف ہوگی۔

 

ایران میں گزشتہ کئی روز سے مہنگائی اور کرنسی کی قدر میں کمی کے خلاف مظاہرے جاری ہیں، جن میں سکیورٹی فورسز کے ساتھ جھڑپوں کے دوران کم از کم 6 مظاہرین ہلاک اور 30 افراد کو گرفتار کیا گیا۔