وینزویلا پر امریکی حملہ عالمی قوانین کی خلاف ورزی ہے، میئر نیویارک ظہران ممدانی

میئر نیویارک ظہران ممدانی نے وینزویلا پر امریکی کارروائی کی سخت مذمت کرتے ہوئے کہا ہے کہ یہ اقدام عالمی قوانین کی صریح خلاف ورزی ہے۔

اپنے بیان میں انہوں نے کہا کہ کسی خودمختار ملک پر حملہ دراصل جنگ کے مترادف ہے۔ 

ظہران ممدانی کا کہنا تھا کہ وینزویلا کے صدر اور ان کی اہلیہ کو نیویارک کی جیل میں رکھنے کا منصوبہ بنایا جا رہا ہے، جبکہ اس امریکی کارروائی کے اثرات نیویارک میں مقیم وینزویلا کے شہریوں پر بھی پڑیں گے۔

واضح رہے کہ امریکا نے وینزویلا پر حملہ کر کے صدر نکولس مادورو اور ان کی اہلیہ کو گرفتار کر لیا ہے۔ 

وینزویلا کی حکومت نے امریکی حملوں کی شدید مذمت کرتے ہوئے کہا ہے کہ اس کارروائی کا مقصد وینزویلا کے تیل اور معدنی وسائل پر قبضہ کرنا ہے۔