مریم نواز: مذہبی منافرت اور تقسیم روکنا علماء کی ذمہ داری ہے، آئمہ کرام میں اعزازیہ کارڈ تقسیم

 وزیراعلیٰ پنجاب مریم نواز شریف نے کہا ہے کہ مذہبی منافرت اور فرقہ واریت کو روکنا تمام علماء کرام کی اہم ذمہ داری ہے، اور کئی افراد نے مذہب کے نام پر فتنے کو فروغ دیا ہے۔

انہوں نے یہ بات آئمہ کرام میں اعزازیہ کارڈ تقسیم کرنے کی تقریب سے خطاب کرتے ہوئے کہی۔

 مریم نواز نے کہا کہ آپ غمی اور خوشی کے ہر موقع پر ہماری رہنمائی کرتے ہیں، اور ہم شاید آپ کو اس کا جائز مقام نہ دے سکے۔

وزیراعلیٰ نے اعلان کیا کہ آئمہ کرام کو ماہانہ 25 ہزار روپے اعزازیہ دیا جائے گا تاکہ ان کی زندگی میں آسانی ہو، اور اس کے لیے آسان اور شفاف ادائیگی کا نظام بھی تیار کر دیا گیا ہے۔

 فروری کے آخر تک ہر امام کے لیے پنجاب بینک میں اکاؤنٹ کھول دیا جائے گا۔

مریم نواز نے کہا کہ آئمہ کرام اور حکمرانوں کے درمیان مضبوط تعلق ضروری ہے۔

 انہوں نے کہا کہ بعض افراد نے مذہب کو سیاسی رنگ دینے کی کوشش کی، اور عوامی املاک کو نقصان پہنچایا، لیکن فتنے کی روک تھام صرف حکومت کا کام نہیں بلکہ علماء کی معاونت بھی ضروری ہے۔

وزیراعلیٰ نے واضح کیا کہ ریاست اپنے شہداء کے خون کا حساب لے گی، ملک اور قوم کی جان و مال کی حفاظت کے لیے کسی کو رعایت نہیں دی جائے گی۔

 انہوں نے عوام پر زور دیا کہ وہ ٹریفک قوانین پر عمل کریں تاکہ حادثات سے بچوں کی جانیں محفوظ رہیں۔