اسپیکر قومی اسمبلی نے اپوزیشن لیڈر کی تعیناتی کے عمل کا آغاز کردیا

news-banner

پاکستان - 12 جنوری 2026

اسپیکر قومی اسمبلی سردار ایاز صادق نے اپوزیشن لیڈر کی تعیناتی کے لیے پراسیس شروع کرنے کا اعلان کر دیا ہے۔

 

 انہوں نے کہا کہ متعلقہ دستاویزات موصول ہونے کے بعد اب یہ عمل شروع کیا جا رہا ہے۔

 

اسپیکر نے ایوان میں اپوزیشن لیڈر کی تعیناتی کا طریقہ کار پڑھ کر سنایا اور اپوزیشن اراکین کو دستخطوں کی تصدیق کے لیے کل طلب کر لیا۔

 

 اراکین کی گنتی 14 جنوری کو شام 3 بجے کی جائے گی۔

 

واضح رہے کہ پاکستان تحریک انصاف (پی ٹی آئی) نے محمود اچکزئی کو اپوزیشن لیڈر کے لیے نامزد کر رکھا ہے۔