غزہ کے امن کی قیمت؟ ٹرمپ کا ’بورڈ آف پیس‘ کی رکنیت فروخت کرنے کا منصوبہ

ایک امریکی جریدے نے دعویٰ کیا ہے کہ سابق امریکی صدر ڈونلڈ ٹرمپ غزہ کے لیے مجوزہ ’بورڈ آف پیس‘ کی مستقل رکنیت فروخت کرنے کا منصوبہ رکھتے ہیں۔

 رپورٹ کے مطابق ٹرمپ انتظامیہ مختلف ممالک سے اس بورڈ کی رکنیت کے بدلے ایک ارب ڈالر کا مطالبہ کر رہی ہے۔

تجویز کے تحت ڈونلڈ ٹرمپ خود بورڈ آف پیس کے چیئرمین ہوں گے اور فیصلوں کی حتمی منظوری، رکنیت اور مالی وسائل کے استعمال کا اختیار بھی انہی کے پاس ہوگا۔ 

جو ممالک پہلے سال ایک ارب ڈالر ادا کریں گے، انہیں رکنیت کی مدت پر کسی قسم کی پابندی سے استثنیٰ حاصل ہوگا۔

رپورٹ میں کہا گیا ہے کہ اس اقدام کا مقصد غزہ سے متعلق فیصلوں اور مالی معاملات کے لیے ایک مرکزی بین الاقوامی فورم قائم کرنا ہے، تاہم اس منصوبے نے عالمی سفارتی حلقوں میں بحث چھیڑ دی ہے اور مختلف ممالک کی جانب سے ردعمل سامنے آنے کا امکان ظاہر کیا جا رہا ہے۔