کرن جوہر سلمان خان کی وینٹی وین میں کیوں رونے لگے؟

بالی ووڈ کے معروف ہدایتکار کرن جوہر نے حال ہی میں انکشاف کیا کہ فلم کچھ کچھ ہوتا ہے کے سیٹ پر سلمان خان کے ایک فیصلے نے انہیں جذباتی طور پر رلا دیا تھا۔

کرن جوہر نے اپنے پوڈکاسٹ میں بتایا کہ گانے ساجن جی گھر آئے کی شوٹنگ کے دوران وہ سلمان خان کی وینٹی وین میں رونے لگے تھے۔

 یہ فلم ان کے اور سلمان خان کے درمیان پہلی مشترکہ پروڈکشن تھی، اور چونکہ سلمان خان ایک بڑے اسٹار تھے، کرن کافی گھبرائے ہوئے تھے۔

انہوں نے بتایا کہ شوٹنگ کے پہلے دن، جب وہ وینٹی وین میں گئے، سلمان خان صرف ٹی شرٹ اور جینز میں موجود تھے۔ 

کرن نے کہا کہ سیٹ بہت شاندار تھا اور ہیروئن کاجول نے لہنگا پہنا ہوا تھا، لہٰذا دلہا کے جینز اور ٹی شرٹ میں آنے کا خیال انہیں پریشان کر گیا۔

کرن جوہر نے جذبات پر قابو نہ رکھتے ہوئے وینٹی وین میں ہی رو دیا۔ سلمان خان نے یہ دیکھ کر اپنی ضد ترک کی اور سوٹ پہن کر شوٹنگ پر آنے پر رضامندی ظاہر کر دی۔