تحقیق: رقص ڈپریشن کے علاج میں اینٹی ڈپریسنٹس کے برابر مؤثر ثابت ہو سکتا ہے

ایک نئی تحقیق کے مطابق رقص ڈپریشن کے علاج میں اینٹی ڈپریسنٹ ادویات جتنا مؤثر ثابت ہو سکتا ہے۔

آسٹریلوی محققین کے مطابق جاگنگ، تیراکی اور ڈانس جیسی ایروبک ورزشیں ڈپریشن اور بے چینی کی علامات پر سب سے زیادہ مثبت اثر ڈالتی ہیں۔ 

حتیٰ کہ ہلکی پھلکی ورزش، جیسے چہل قدمی، بھی علامات میں واضح بہتری لا سکتی ہے۔

یہ تحقیق برٹش جرنل آف اسپورٹس میڈیسن میں شائع ہوئی، جس میں کوئنز لینڈ کی جیمز کک یونیورسٹی کے سائنسدانوں نے کہا کہ ورزش کو روایتی علاج کی طرح پورے اعتماد کے ساتھ تجویز کیا جانا چاہیے۔

محققین نے زور دیا کہ عوامی صحت کی پالیسیوں میں ورزش کو ذہنی صحت کے لیے آسان، مؤثر اور سائنسی بنیادوں پر ثابت شدہ ابتدائی علاج (فرسٹ لائن انٹروینشن) کے طور پر شامل کیا جانا چاہیے، خصوصاً نوجوان بالغ افراد اور زچگی کے بعد خواتین کے لیے، جہاں اس کے اثرات سب سے زیادہ مضبوط دیکھے گئے ہیں۔

برطانیہ میں ہر چھ میں سے ایک فرد ڈپریشن کا شکار ہے، جبکہ خواتین میں اس ذہنی عارضے کا خطرہ مردوں کے مقابلے میں تقریباً دو گنا زیادہ ہے۔