امریکی صدر ایران سے معاہدے کے لیے تیار، خامنہ ای سے ملاقات بھی ممکن: مارکو روبیو

میونخ سیکیورٹی کانفرنس کے دوران ایک انٹرویو میں امریکی وزیر خارجہ مارکو روبیو نے کہا کہ صدر ڈونلڈ ٹرمپ ایران کے ساتھ معاہدہ کرنے کو ترجیح دیتے ہیں۔

روبیو کے مطابق صدر ٹرمپ عالمی مسائل کے حل کے لیے کسی بھی ملاقات کے لیے آمادہ ہیں کیونکہ ان کے نزدیک بات چیت ہی مسائل کے حل کا مؤثر ذریعہ ہے۔ 

انہوں نے کہا کہ اگر آیت اللہ علی خامنہ ای ملاقات کی درخواست کریں تو یہ ممکن ہے، اس کا مطلب یہ نہیں کہ صدر ٹرمپ ہر معاملے میں ان سے متفق ہیں بلکہ یہ اس لیے ہے کہ وہ سمجھتے ہیں کہ مسائل کو بات چیت کے ذریعے ہی حل کیا جا سکتا ہے۔

مارکو روبیو نے مزید کہا کہ مشرق وسطیٰ میں دوسرا طیارہ بردار بحری جہاز بھیجنے کا اقدام احتیاطی ہے تاکہ ایران کوئی ایسا قدم نہ اٹھائے جس سے بڑا تنازع پیدا ہو۔