ایران کا امریکا کے ساتھ فوری جوہری معاہدے کا امکان، مشیر سپریم لیڈر کا اعلان

تہران: سپریم لیڈر علی خامنہ ای کے مشیر علی شمخانی نے کہا ہے کہ ایران اور امریکا کے درمیان فوری معاہدہ ممکن ہے، خاص طور پر اگر بات جوہری ہتھیار نہ بنانے پر ہو۔

شمخانی نے واضح کیا کہ ایران کی دفاعی پالیسی جوہری ہتھیار بنانے کی اجازت نہیں دیتی اور عباس عراقچی کو معاہدے کے لیے مکمل اختیار حاصل ہے۔

 ان کا کہنا تھا کہ جنیوا میں ہونے والے مذاکرات فیصلہ کن ثابت ہو سکتے ہیں۔

دوسری جانب، سابق امریکی صدر ڈونلڈ ٹرمپ موقف رکھتے ہیں کہ ایران کو یورینیم افزودگی کی اجازت نہیں ہونی چاہیے، جبکہ ایران کا کہنا ہے کہ افزودگی اس کا جائز حق ہے اور اس کا جوہری پروگرام پُرامن نوعیت کا ہے۔

ایران کے مطابق مذاکرات کا محور جوہری ہتھیار نہ بنانا ہونا چاہیے، اور اس بنیاد پر امریکا اور ایران کے درمیان جوہری بات چیت میں پیش رفت کے امکانات بڑھ گئے ہیں۔