سائنسدانوں کا بلند ہوتی سطح سمندر سے متعلق ہوشربا انکشاف

نیدرلینڈز کے محققین نے تازہ ترین تحقیق میں بتایا کہ دنیا بھر کے ساحلی علاقوں پر سطح سمندر میں اضافہ ہو رہا ہے اور اب یہ ایک فٹ تک پہنچ چکی ہے۔

تحقیق میں خاص طور پر جنوب مشرقی ایشیا اور انڈو پیسیفک کے ممالک میں رہنے والے کروڑوں لوگوں کی حفاظت پر خدشات ظاہر کیے گئے۔

ساحلی پٹی پر آبادیاں سطح سمندر کے 6.5 فٹ تک بڑھنے کے خطرات کا شکار ہیں، جس کا مطلب ہے کہ بلند ہوتی سطح سے نمٹنے کے لیے موجودہ منصوبوں اور انفراسٹرکچر کو بہتر بنانا ہوگا۔

سطح سمندر کے بڑھنے سے صرف بنیادی ڈھانچے پر دباؤ یا جبری نقل مکانی کا خطرہ نہیں ہوتا بلکہ طوفانوں کی شدت میں اضافہ اور سیلاب کی صورتحال کو بھی خراب کرتا ہے، جو عالمی درجہ حرارت میں اضافے کے باعث اب باقاعدگی سے متوقع ہے۔