ساجد حسن کو لائیو شو میں بیوی کا مذاق اڑانے پر شدید تنقید کا سامنا

پاکستان شوبز کے سینئر اداکار ساجد حسن کو حال ہی میں نجی ٹی وی کے رمضان ٹرانسمیشن میں بیوی شکیلا کے ساتھ بطور مہمان شرکت کے دوران لائیو شو میں بیوی کا مذاق اڑانے پر سوشل میڈیا پر سخت تنقید کا سامنا کرنا پڑ رہا ہے۔

کچن سیگمنٹ کے دوران ساجد حسن نے مسلسل اپنی اہلیہ کا مذاق اڑایا اور ان کی نقلیں بھی اتارتے رہے۔ 

ساجد حسن کی اہلیہ نے اس رویے کو نظر انداز کرتے ہوئے کہا کہ ’یہ مصنوعی ذہانت کے بارے میں بات کرنے کی کوشش تھی‘۔

ویڈیو سوشل میڈیا پر تیزی سے وائرل ہوئی اور صارفین نے اداکار کے رویے پر تنقید کی، ایک صارف نے لکھا کہ ’یہ آدمی اپنی بیوی کے ساتھ ایسے رویے کی وجہ سے کامیاب نہیں ہو رہا‘، جبکہ ایک اور صارف نے ٹی وی چینلز کے معیار پر سوال اٹھایا کہ وہ ایسے شخص کو پروگرامز میں مدعو کر رہے ہیں جس کا بیٹا منشیات فروخت کرتا ہے۔