ٹرمپ نے آبنائے ہرمز کھلوانے میں مدد نہ دینے پر نیٹو سمیت اتحادیوں سے شکوے کر دیے

امریکی صدر ڈونلڈ ٹرمپ نے نیٹو اور دیگر اتحادی ممالک پر اس لیے شکوہ کیا کہ انہوں نے آبنائے ہرمز کھلوانے میں مدد نہیں کی۔

ٹرمپ نے میڈیا سے گفتگو میں کہا کہ اگر ایران کے پاس ایٹمی ہتھیار ہوتے تو وہ ہمارے خلاف استعمال کرتا اور اگلے گھنٹے میں اسرائیل اور مشرق وسطیٰ پر حملہ کر دیتا۔

انہوں نے کہا کہ ایران تباہی پھیلانے کے ذریعے مشرق وسطیٰ کی قیادت کرنا چاہتا ہے اور پرتشدد افراد کے پاس ایٹمی ہتھیار نہیں ہونے چاہئیں۔ 

ٹرمپ نے زور دیا کہ جو ایران کو ایٹمی ہتھیار حاصل کرنے سے روکنا چاہتا ہے، وہ ان کے اقدامات کی حمایت کرے۔

صدر ٹرمپ نے مزید کہا کہ وہ دنیا میں جنگ نہیں چاہتے لیکن کچھ ممالک نے بہت مایوس کیا، نیٹو کے دفاع کے لیے اربوں ڈالر خرچ کیے گئے مگر وہ موقع پر موجود نہیں تھے۔

 انہوں نے برطانوی وزیراعظم کے جنگی طیارے بھیجنے کے اعلان اور کیئر اسٹارمر پر تنقید بھی کی۔

ٹرمپ نے کہا کہ ایران کی قیادت، نیوی اور ایئر فورس کو تقریباً ختم کر دیا گیا، اور ابراہیمی معاہدہ ممکن نہیں تھا۔

 کچھ ممالک آبنائے ہرمز میں مدد دینے کے لیے تیار نہیں، تاہم انہوں نے دوبارہ چین، جاپان، جنوبی کوریا اور دیگر ممالک سے مدد طلب کی۔

صدر ٹرمپ نے کہا کہ ایرانی حکومت کا خاتمہ کر دیا گیا، بحری و فضائی دفاع تباہ ہو چکا ہے، اور ایران میں مذاکرات کے قابل قیادت باقی نہیں ہے۔ جنگ کے اختتام کے بارے میں تفصیل نہیں بتائی، لیکن جلد ختم ہونے کا امکان ظاہر کیا۔