امریکا کے ایران کے ساتھ جاری تنازع میں فوجی طیاروں کے نقصانات کی تفصیلات سامنے آگئیں، بلوم برگ

بلوم برگ کی ایک رپورٹ کے مطابق ایران کے خلاف جاری جنگ میں اب تک امریکا کے 16 جنگی طیارے تباہ ہو چکے ہیں۔

رپورٹ میں بتایا گیا ہے کہ تباہ ہونے والے طیاروں میں 10 ریپر اسٹرائیک ڈرون شامل ہیں جبکہ مزید 6 امریکی جنگی جہاز شدید متاثر ہوئے ہیں، جو ان 16 تباہ شدہ طیاروں کے علاوہ ہیں۔

مزید کہا گیا ہے کہ 3 امریکی طیارے کویت کی فضاؤں میں گرائے گئے، جن کے بارے میں دعویٰ ہے کہ وہ فرینڈلی فائر کا شکار ہوئے۔

 ایک کے سی 135 ری فیولنگ طیارہ آپریشن کے دوران تباہ ہوا جس میں سوار تمام 6 اہلکار ہلاک ہو گئے۔

اس کے علاوہ 5 مزید کے سی 135 ری فیولنگ طیارے سعودی عرب کے ایک ائیر بیس پر ایرانی میزائل حملے کا نشانہ بنے جس سے انہیں شدید نقصان پہنچا۔

 رپورٹ میں یہ بھی کہا گیا ہے کہ ایران نے امریکا کے 9 ریپر ڈرون طیارے مار گرائے جن میں سے ایک کو اردن میں بیلسٹک میزائل سے نشانہ بنایا گیا۔