عید کے موقع پر مسجد اقصیٰ میں پابندیاں، کشیدگی میں اضافہ

عید کے روز اسرائیلی فورسز نے مسجد اقصیٰ میں سخت پابندیاں عائد کرتے ہوئے فلسطینیوں کو نماز ادا کرنے سے روک دیا۔

رپورٹس کے مطابق نمازیوں کو داخلے سے روکنے کے لیے آنسو گیس کی شیلنگ اور لاٹھی چارج کیا گیا، جبکہ حکام نے مسجد کمپاؤنڈ کو بند کر کے عبادات پر پابندیاں برقرار رکھیں۔

عینی شاہدین کے مطابق ہجوم کو منتشر کرنے کے لیے طاقت کا استعمال کیا گیا جس سے کئی افراد متاثر ہوئے، جبکہ بہت سے فلسطینیوں کو باہر نماز ادا کرنے پر مجبور ہونا پڑا۔

ماہرین کے مطابق مقدس مقام پر بڑھتی کشیدگی خطے میں مزید تصادم کا باعث بن سکتی ہے۔

 دوسری جانب لبنان میں بھی عید کے روز اسرائیلی کارروائیاں جاری رہنے کی اطلاعات ہیں، جہاں صحافیوں کو بھی نشانہ بنایا گیا۔