وزیراعظم شہباز شریف کا آذربائیجان کے صدر سے رابطہ، عیدالفطر کی مبارکباد اور خطے کی صورتحال پر تبادلہ خیال

وزیراعظم شہباز شریف نے عیدالفطر کے موقع پر جمہوریہ آذربائیجان کے صدر الہام علیوف سے ٹیلیفونک گفتگو کی۔

گفتگو کے دوران وزیراعظم نے صدر اور آذربائیجان کے عوام کو عیدالفطر کی دلی مبارکباد پیش کی، جس کا صدر علیوف نے گرمجوشی سے جواب دیا۔

 دونوں رہنماؤں نے امت مسلمہ کے اتحاد کے لیے دعا بھی کی۔

اس موقع پر ایران اور خلیجی خطے میں جاری کشیدگی پر بھی تبادلہ خیال کیا گیا۔

 وزیراعظم نے آذربائیجان کے خلاف حملوں کی مذمت کا اعادہ کرتے ہوئے مشکل وقت میں مکمل یکجہتی اور حمایت کا اظہار کیا۔

دونوں رہنماؤں نے فوری طور پر کشیدگی کم کرنے پر زور دیا اور مسائل کے حل کے لیے بات چیت اور سفارت کاری کی اہمیت پر زور دیا۔

پاکستان اور آذربائیجان کے تعلقات میں مثبت پیش رفت پر اطمینان کا اظہار کرتے ہوئے دونوں نے برادرانہ تعلقات کو مزید مضبوط بنانے کے عزم کا اعادہ کیا