نوروز امن، امید اور روشنی کا پیغام لے کر آئے گا: صدر آصف علی زرداری

آصف علی زرداری نے نوروز کے موقع پر قوم اور خطے کے عوام کے لیے اپنے پیغام میں کہا کہ یہ تہوار بہار، تجدید اور روشنی کی فتح کی علامت ہے۔ 

انہوں نے کہا کہ پاکستان میں ثقافتی و مذہبی تنوع ہماری قومی طاقت ہے اور ہماری دعائیں ان لوگوں کے ساتھ ہیں جو مشکل حالات میں نوروز منا رہے ہیں۔

صدر نے کہا کہ جنگ زدہ علاقوں میں بہار خوشیوں کے بجائے درد لے کر آئی ہے اور نوروز کے خطوں میں پھولوں پر ملبہ اور خون کے سائے چھائے ہوئے ہیں۔

 انہوں نے خاص طور پر کہا کہ افغانستان میں عوام کو نوروز منانے سے محروم رکھا جا رہا ہے۔

آصف علی زرداری نے نوروز منانے والے افغان عوام کے لیے خصوصی نیک خواہشات کا اظہار کیا اور امید ظاہر کی کہ نوروز اندھیروں کا خاتمہ کرے گا، جنگ کے بادل چھٹیں گے اور امن کی روشنی پھیلے گی۔