پاکستانیوں کی بیرون ملک دولت واپس لانے پر غور

حکومت پاکستان بیرون ملک مقیم پاکستانیوں کی دولت کو واپس لانے پر غور کر رہی ہے۔

حکومتی ذرائع کے مطابق اعلیٰ سطحی بین الاقوامی اجلاسوں میں پاکستانیوں کی بیرون ملک دولت واپس لانے کے امکانات پر بات کی جا رہی ہے۔ 

اس وقت مشرق وسطیٰ اور یورپ میں پاکستانیوں کے تقریباً 20 ارب ڈالر (تقریباً 5.6 کھرب روپے) موجود ہیں۔

یہ رقم 2018 اور 2019 میں ایمنسٹی اسکیم کے تحت ظاہر کی گئی تھی لیکن پاکستان منتقل نہیں ہوئی۔

حکومتی ذرائع نے بتایا کہ دونوں اسکیموں میں مجموعی طور پر 82,889 گوشوارے جمع کرائے گئے، جن سے حکومت کو 194 ارب روپے ٹیکس حاصل ہوا۔ 

ایران پر امریکہ اور اسرائیل کے حملوں کے بعد پاکستانی اپنی دولت کسی محفوظ ملک میں منتقل کرنے کی کوشش کر رہے ہیں۔

مزید برآں، حکومت روشن ڈیجیٹل اسکیم کے تحت اس رقم کو واپس لانے کے لیے اقدامات پر غور کر رہی ہے۔ 

اس اسکیم میں سرمایہ کاری کے دائرہ کار کو بڑھانے پر بھی سوچا جا رہا ہے تاکہ غیر ملکی شہری بھی اس میں سرمایہ کاری کر سکیں۔

اس کے علاوہ، حکومت رئیل اسٹیٹ سیکٹر میں اوورسیز پاکستانیوں کو ٹیکس میں رعایت دینے پر بھی کام کر رہی ہے۔ 

آئندہ اسکیم کے تحت، رئیل اسٹیٹ میں خریداری پر صرف 10 فیصد ٹیکس وصول کیا جائے گا، یہ سہولت صرف جائز ذرائع سے دولت رکھنے والوں کے لیے ہوگی اور کالا دھن رکھنے والوں پر لاگو نہیں ہوگی۔ 

یہ اسکیم آئندہ بجٹ یا اس سے قبل نافذ کی جا سکتی ہے۔