تحمل کا وقت ختم: پاسدارانِ انقلاب کا سخت انتباہ

ایران کی پاسدارانِ انقلاب نے اعلان کیا ہے کہ اب صبر کا وقت ختم ہو چکا ہے اور امریکا کو سرخ لکیر عبور کرنے سے خبردار کیا ہے۔ 

ان کا کہنا ہے کہ کسی بھی جارحانہ اقدام کا جواب خطے سے باہر تک دیا جا سکتا ہے اور امریکی مفادات سمیت اتحادیوں کے اہم انفراسٹرکچر کو نشانہ بنایا جا سکتا ہے۔

انہوں نے مزید کہا کہ کشیدگی بڑھنے کی صورت میں امریکا اور اس کے اتحادی خطے کے تیل اور گیس سے محروم ہو سکتے ہیں۔

 پاسدارانِ انقلاب نے واضح کیا کہ اب تک کا تحمل علاقائی مصلحت کے تحت تھا، تاہم امریکی اتحادی ممالک کو محتاط رہنے کی تنبیہ کی گئی ہے۔

دوسری جانب ایرانی صدر مسعود پزشکیان نے کہا کہ ایک کروڑ چالیس لاکھ سے زائد ایرانی ملک کے دفاع کے لیے جان قربان کرنے کو تیار ہیں اور وہ خود بھی اس عزم کا حصہ ہیں۔