چین کو افغانستان اور پاکستان کے درمیان اعتماد سازی جاری رہنے کی امید

کابل میں تعینات چینی سفیر نے کہا ہے کہ چین کو امید ہے کہ افغانستان اور پاکستان کے درمیان اعتماد سازی، خیر سگالی اور عدم تشدد کا عمل جاری رہے گا۔

یہ بات افغان وزیر خارجہ امیر خان متقی سے ملاقات کے دوران کہی گئی، جہاں دونوں رہنماؤں نے چین کے شہر اُرمچی میں جاری مذاکرات پر تبادلہ خیال کیا۔

افغان وزارت خارجہ کے مطابق امیر خان متقی نے کہا کہ اب تک کی بات چیت مثبت رہی ہے اور توقع ہے کہ جزوی تشریحات مذاکرات کی پیش رفت میں رکاوٹ نہیں بنیں گی۔

 انہوں نے اُرمچی مذاکرات کی میزبانی پر چین کا شکریہ ادا کیا اور سعودی عرب، ترکی، قطر اور متحدہ عرب امارات کی ثالثی کوششوں کو بھی سراہا۔

چینی سفیر نے اس موقع پر کہا کہ ان کا ملک غیر جانبداری کے اصول کے تحت دونوں ممالک کے درمیان اعتماد کی فضا قائم کرنے کے لیے کوشاں ہے اور خطے کی موجودہ صورتحال کے پیش نظر یہ عمل جاری رہنا چاہیے۔