سہیل آفریدی کی اسلام آباد پولیس سے تلخ کلامی

انی چیئرمین پی ٹی آئی عمران خان سے ملاقات کے لیے آنے والے وزیراعلیٰ خیبر پختونخوا سہیل آفریدی کو 26 نمبر چونگی پر روک لیا گیا جس پر اسلام آباد پولیس سے تلخ کلامی ہوگئی۔ 

اسلام آباد پولیس سے تلخ جملوں کے تبادلے کے دوران وزیراعلیٰ سہیل آفریدی نے کہا کہ تم پاکستان کو توڑنا چا رہے ہو، تم ساڑھے 4 کروڑ عوام کے نمائندے کو کیوں روک رہے ہو۔ 

وزیراعلیٰ نے پولیس افسر سے مطالبہ کیا کہ راستہ کھولو! وزیراعلیٰ کے ساتھ پی ٹی آئی کارکنان نے شیم شیم کے نعرے لگائے۔ 

پولیس نے 26 نمبر چونگی پر کنٹینرز لگا دیئے، رکاوٹیں کھڑی ہونے سے ایئرپورٹ سے آنے والے مسافروں کو شدید مشکلات کا سامنا کرنا پڑا۔ ٹریفک بہاؤ میں مسلسل خلل سے موٹروے پر گاڑیوں کی قطاریں لگ گئیں۔