پیٹرولیم مصنوعات کی قیمتوں میں 20 جون سے بڑی کمی کا امکان

وزیراعظم کی سخت ہدایات کے پیش نظر ملک میں 20 جون سے پیٹرولیم مصنوعات کی قیمتوں میں بڑی کمی کا امکان ظاہر کیا جا رہا ہے۔

پیٹرولیم ڈویژن، پی ایس او اور اوگرا کے ورکنگ پیپر کے مطابق پیٹرولیم مصنوعات کی قیمتوں میں 55 روپے فی لیٹر سے زائد کمی کا امکان ہے۔

ذرائع کے مطابق وزیراعظم نے وفاقی وزیر پیٹرولیم کو 7 مارچ کو کیے گئے اضافے کا ازالہ کرنے کی ہدایت جاری کر دی ہے، جس کے بعد حکومت کی جانب سے قیمتوں میں نمایاں کمی کے لیے مختلف آپشنز پر غور کیا جا رہا ہے۔

مزید بتایا گیا ہے کہ وزیراعظم شہباز شریف 7 مارچ کو ہونے والے پیٹرولیم مصنوعات کے اضافے پر مطمئن نہیں تھے اور انہوں نے اس فیصلے پر نظرثانی کی ہدایت دی تھی۔