انمول عرف پنکی کے خلاف فردِ جرم عائد کرنے کی تاریخ مقرر

جوڈیشل مجسٹریٹ جنوبی نے منشیات فروشی کے الزام میں گرفتار انمول عرف پنکی کے خلاف فردِ جرم عائد کرنے کے لیے 25 جولائی کی تاریخ مقرر کر دی ہے۔

عدالت نے فردِ جرم کی کارروائی کے لیے 25 جولائی مقرر کرتے ہوئے مقدمات کی مزید سماعت دو ہفتوں کے لیے ملتوی کر دی۔

جیل ذرائع کے مطابق چھ مقدمات میں چالان اور گواہان کے بیانات کی نقول ملزمہ کو جیل میں فراہم کر دی گئی ہیں۔ عدالتی احکامات پر عمل کرتے ہوئے جیل عملے نے دستاویزات ذاتی طور پر ملزمہ تک پہنچائیں۔

پولیس کے مطابق انمول عرف پنکی کے خلاف 2020، 2021 اور 2022 میں یہ مقدمات درج کیے گئے تھے اور وہ ان مقدمات میں مفرور تھی۔

پولیس کا کہنا ہے کہ گارڈن تھانے کے ایک مقدمے میں گرفتاری کے بعد ملزمہ کو دیگر مقدمات میں بھی باقاعدہ گرفتار کر لیا گیا۔