امریکا، ایران ثالثی کی خبروں پر عالمی منڈی میں خام تیل سستا

امریکا اور ایران کے درمیان ثالثی کی کوششوں کی خبریں سامنے آنے کے بعد عالمی منڈی میں خام تیل کی قیمتوں میں کمی ریکارڈ کی گئی۔

خبر رساں ادارے رائٹرز کے مطابق برینٹ خام تیل کی قیمت 35 سینٹ، یعنی 0.4 فیصد کمی کے بعد 88.87 ڈالر فی بیرل پر آ گئی۔

دوسری جانب امریکی ویسٹ ٹیکساس انٹرمیڈیٹ (WTI) خام تیل کی ستمبر کے لیے فراہمی کی قیمت تقریباً مستحکم رہی اور 82.47 ڈالر فی بیرل پر برقرار رہی۔

تجزیہ کاروں کے مطابق اگرچہ مشرقِ وسطیٰ میں کشیدگی برقرار ہے، تاہم امریکا اور ایران کے درمیان ممکنہ سفارتی ثالثی کی خبروں نے عالمی منڈی میں تیل کی قیمتوں پر عارضی دباؤ کم کر دیا ہے۔

 ان کا کہنا ہے کہ اگر سفارتی کوششوں میں پیش رفت ہوتی ہے تو آئندہ دنوں میں تیل کی قیمتوں میں مزید اتار چڑھاؤ دیکھنے کو مل سکتا ہے، جبکہ خطے میں کسی بھی نئی کشیدگی کی صورت میں قیمتیں دوبارہ بڑھنے کا امکان بھی موجود ہے۔