سنی دیول نے کرتارپور میں پاکستانیوں سے ملنے والی محبت کا تجربہ بتادیا

بالی ووڈ اداکار سنی دیول نے کرتارپور راہداری کے دورے کے دوران پاکستانیوں سے ہونے والی ملاقاتوں اور ملنے والی محبت کا تذکرہ کیا ہے۔

ایک حالیہ انٹرویو میں سنی دیول نے بتایا کہ وہ کرتارپور راہداری کے افتتاح کے موقع پر ایک وفد کے ہمراہ پاکستان آئے تھے۔

اداکار کے مطابق پاکستان میں انہیں بہت محبت ملی اور کئی پاکستانی فوجیوں نے بھی ان سے محبت کا اظہار کرتے ہوئے کہا کہ پاکستانی انہیں بہت پسند کرتے ہیں۔

سنی دیول نے کہا کہ اپنے ملک سے محبت کرنا فطری بات ہے، لیکن عام حالات میں دونوں ممالک کے عوام کے درمیان دشمنی نہیں ہونی چاہیے۔

انہوں نے مزید کہا کہ دونوں ممالک کے عوام ایک دوسرے کے لیے حقیقی محبت اور اپنائیت رکھتے ہیں۔