جارجیا میلونی کی حکومت نے اٹلی میں طویل ترین حکومت کا ریکارڈ قائم کر لیا

اٹلی کی وزیرِ اعظم جارجیا میلونی کی حکومت نے جنگِ عظیم دوم کے بعد ملک میں مسلسل سب سے زیادہ عرصے تک اقتدار میں رہنے کا ریکارڈ قائم کر لیا۔

جارجیا میلونی کی حکومت 1412 دن مکمل کرکے سابق وزیرِ اعظم سِلویو برلسکونی کی مسلسل حکومت کا ریکارڈ توڑنے میں کامیاب ہوگئی۔

اٹلی میں گزشتہ 8 دہائیوں کے دوران سیاسی عدم استحکام کے باعث 68 حکومتیں بن چکی ہیں۔ جارجیا میلونی کے حامی اس کامیابی کو سیاسی استحکام کی علامت قرار دے رہے ہیں، جبکہ سیاسی ماہرین کا کہنا ہے کہ حکومت کا طویل عرصے تک قائم رہنا لازماً سیاسی استحکام کی نشاندہی نہیں کرتا۔

عرب میڈیا کی رپورٹ میں بتایا گیا کہ تجزیہ کاروں کے مطابق میلونی حکومت کو 2018 کے انتخابی قانون اور دائیں بازو کے اتحاد کی پارلیمانی اکثریت سے فائدہ ہوا، جبکہ اقتدار برقرار رکھنے کے لیے حکمراں جماعت نے اپنے کئی انتخابی وعدوں پر سمجھوتہ کیا۔