اجلاس کے دوران بتایا گیا کہ بیرون ملک سے گاڑیوں کو گفٹ اسکیم کے تحت پاکستان منگوانے کا سسٹم بری طرح غلط استعمال ہو رہا تھا۔ چند کیسز میں تو پاسپورٹ فروخت کر کے گاڑیاں امپورٹ کی جا رہی تھیں۔ اس صورتِ حال کی حوصلہ شکنی کے لیے پالیسی میں تبدیلی کی گئی ہے۔
سیکرٹری کامرس نے وضاحت کی کہ جو پاکستانی بیرون ملک سے مستقل طور پر وطن واپس آ رہے ہیں، وہ بھی پانچ سال پرانی گاڑی درآمد کر سکتے ہیں۔ چاہے ایک گاڑی ہو یا دو سو، سب کو 40 فیصد ایڈیشنل کسٹمز ڈیوٹی کی ادائیگی کے ساتھ درآمد کرنے کی اجازت ہو گی۔
ایڈیشنل ڈیوٹی مرحلہ وار ختم ہو گی
حکومت نے یہ بھی واضح کیا کہ یہ ایڈیشنل کسٹمز ڈیوٹی ایک عبوری اقدام ہے۔ وزارتِ خزانہ کے مطابق یہ ڈیوٹی ہر سال 10 فیصد کی شرح سے کم کی جائے گی، اور 2030 تک مکمل طور پر ختم کر دی جائے گی۔
اس پالیسی کا مقصد مقامی مارکیٹ میں شفاف اور منظم امپورٹ سسٹم کو فروغ دینا ہے، جبکہ آٹو سیکٹر میں ریونیو اور مسابقت کو بھی متوازن رکھنا ہے۔
دیکھیں
