الیکشن کمیشن نے تحریک انصاف اور سنی اتحاد کونسل کے اراکین اسمبلی کو آزاد قرار دے دیا

news-banner

پاکستان - 09 اکتوبر 2025

الیکشن کمیشن آف پاکستان نے سپریم کورٹ کے فیصلے کی روشنی میں تحریک انصاف اور سنی اتحاد کونسل کے تمام ارکان اسمبلی کو آزاد قرار دے دیا ہے۔

 

الیکشن کمیشن کے اعلامیے کے مطابق قومی اور صوبائی اسمبلیوں میں پی ٹی آئی سے وابستہ تمام اراکین اب آزاد حیثیت رکھتے ہیں۔ سپریم کورٹ کے 25 اگست 2025 کے تفصیلی فیصلے کے بعد اراکین کی کسی بھی پارٹی سے وابستگی ظاہر نہیں ہوگی۔

 

سپریم کورٹ کے آئینی بینچ کے فیصلے کے نتیجے میں قومی اسمبلی سمیت صوبائی اسمبلیوں میں پارٹی پوزیشنز میں بھی تبدیلی واقع ہوئی ہے، اور الیکشن کمیشن نے قومی اسمبلی، پنجاب، خیبرپختونخوا اور سندھ اسمبلی کی نئی پارٹی پوزیشنز کی فہرستیں جاری کر دی ہیں۔