مالدیپ نے 1 جنوری 2007 کے بعد پیدا ہونے افراد کے لیے تمباکو استعمال پر پابندی لگا دی

news-banner

تازہ ترین - 08 نومبر 2025

مالدیپ نے اس ماہ ایک نیا قانون نافذ کیا ہے جس کے تحت 1 جنوری 2007 یا اس کے بعد پیدا ہونے والے افراد کو ملک میں تمباکو استعمال کرنے، خریدنے یا فروخت کرنے سے قانونی طور پر روک دیا گیا ہے۔

 

رپورٹس کے مطابق مذکورہ تاریخ کے بعد پیدا ہونے والے افراد کو کبھی بھی قانونی طور پر تمباکو مصنوعات فراہم نہیں کی جائیں گی۔ یہ پابندی نہ صرف مالدیپ کے شہریوں بلکہ زائرین اور سیاحوں پر بھی لاگو ہے۔

 

ریٹیلرز پر یہ ذمہ داری عائد ہے کہ وہ خریدار کی عمر یا تاریخ پیدائش کی تصدیق کریں، بصورت دیگر انہیں جرمانے کا سامنا کرنا پڑ سکتا ہے۔ اس کے علاوہ ملک میں ای-سگریٹ اور ویپنگ ڈیوائسز پر بھی سخت پابندیاں عائد کی گئی ہیں۔