لاہور ہائیکورٹ نے نجی بیکری کے باہر درخت کاٹنے سے روک دیا، تفصیلات طلب

لاہور ہائیکورٹ نے لاہور میں نجی بیکری کے باہر درخت کاٹنے پر فوری روک لگا دی اور متعلقہ تفصیلات طلب کر لیں۔ عدالت نے سرکاری وکیل کو ہدایت دی کہ درخت نہ کاٹنے کے عدالتی حکم پر مکمل عملدرآمد کروایا جائے۔

جسٹس شاہد کریم نے گزشتہ سماعت کا تحریری حکم نامہ جاری کیا ہے۔ حکم نامے کے مطابق موٹر وے پولیس نے عدالت کو بتایا کہ ماحولیاتی تحفظ ایجنسی (EPA) کے ساتھ معاہدہ مکمل ہو چکا ہے اور موٹر وے پر گاڑیوں کی چیکنگ کے لیے پوائنٹس مقرر کیے گئے ہیں۔ 

عدالت میں پولیس نے عملے کی ڈیوٹیوں کا روسٹر بھی پیش کیا۔

پی ایچ اے کے وکیل نے عدالت کو آگاہ کیا کہ غالب مارکیٹ میں پارک کی تعمیر فی الحال روک دی گئی ہے، اور عدالت نے پارک کی تعمیر سے متعلق معاہدے اور دیگر دستاویزات طلب کر لی ہیں۔