سعودی عرب نے حج 2026 کے لیے شدید بیمار افراد پر پابندی عائد کردی

news-banner

دنیا - 17 نومبر 2025

اسلام آباد: سعودی حکومت نے حج 2026 کے لیے سخت طبی شرائط عائد کرتے ہوئے شدید بیمار افراد پر حج کرنے کی پابندی لگا دی ہے۔

 

 نئی پالیسی کے تحت اگر کوئی شدید بیمار عازم سعودی عرب پہنچ جائے تو اسے وطن واپس بھیج دیا جائے گا، جب کہ واپسی کے اخراجات عازم کو خود برداشت کرنا ہوں گے۔

 

وزارتِ مذہبی امور کے ذرائع کے مطابق ایسے مریضوں کو فٹنس سرٹیفکیٹ جاری کرنے والے ڈاکٹرز کے خلاف بھی کارروائی کی جائے گی۔

 

سعودی وزارتِ صحت کی ہدایات کے مطابق گردوں کے مریض، ڈائیلاسز کروانے والے افراد، دل کے ایسے مریض جو مشقت برداشت نہیں کر سکتے، اور پھیپھڑوں یا جگر کی ایڈوانس اسٹیج کی بیماریوں میں مبتلا افراد حج 2026 ادا کرنے کے اہل نہیں ہوں گے۔