ملک میں سونے کی قیمت میں 7,900 روپے اضافہ، فی تولہ 4 لاکھ 31 ہزار سے تجاوز

news-banner

کاروبار - 19 نومبر 2025

ملک میں سونے کی قیمت میں نمایاں اضافہ دیکھا گیا ہے۔ آل پاکستان صرافہ جیمز اینڈ جیولرز ایسوسی ایشن کے مطابق کاروباری ہفتے کے تیسرے روز فی تولہ سونا 7 ہزار 900 روپے مہنگا ہو کر 4 لاکھ 31 ہزار 562 روپے تک پہنچ گیا، جو گزشتہ قیمت 4 لاکھ 23 ہزار 662 روپے تھی۔

 

اسی طرح 10 گرام سونے کی قیمت میں 6 ہزار 773 روپے اضافہ ہوا جس کے بعد نئی قیمت 3 لاکھ 69 ہزار 994 روپے ہو گئی۔

 

عالمی منڈی میں بھی سونے کی قیمت میں اضافہ ریکارڈ کیا گیا، جہاں فی اونس سونا 79 ڈالر بڑھ کر 4 ہزار 92 ڈالر کا ہوگیا۔

 

چاندی کی قیمتوں میں بھی اضافہ ہوا ہے۔ فی تولہ چاندی 177 روپے بڑھ کر 5 ہزار 22 روپے جبکہ 10 گرام چاندی 152 روپے بڑھ کر 4 ہزار 648 روپے ہو گئی۔