ضمنی انتخابات میں مسلم لیگ (ن) کا پلڑا بھاری، پنجاب کی تقریباً تمام نشستیں جیت لی,پیپلز پارٹی صرف ایک نشست لے سکی

ملک میں ہونے والے ضمنی انتخابات میں مسلم لیگ (ن) نے واضح برتری حاصل کرتے ہوئے بیشتر قومی اور صوبائی اسمبلی کی نشستوں پر کامیابی سمیٹ لی، جبکہ پیپلز پارٹی صرف ایک نشست جیتنے میں کامیاب رہی۔ نتائج آنے کے بعد ن لیگی کارکنوں نے جشن منایا، مٹھائیاں تقسیم کیں، آتش بازی کی اور ڈھول کی تھاپ پر بھنگڑے ڈالتے رہے۔

قومی اسمبلی کے غیر حتمی، غیر سرکاری نتائج

این اے 129، لاہور:
مسلم لیگ (ن) کے حافظ میاں نعمان نے 63,441 ووٹوں کے ساتھ کامیابی حاصل کی۔ آزاد امیدوار ارسلان احمد 29,099 ووٹ لے سکے۔

این اے 104، فیصل آباد:
ن لیگی امیدوار دانیال احمد 52,791 ووٹوں سے کامیاب رہے، جبکہ آزاد امیدوار رانا عدنان جاوید 19,262 ووٹ لے سکے۔

این اے 18، ہری پور:
بابر نواز خان (ن لیگ) 163,996 ووٹوں کے ساتھ فاتح قرار پائے۔ آزاد امیدوار شہر ناز عمر ایوب 120,220 ووٹ لے کر دوسرے نمبر پر رہے۔

این اے 185، ڈیرہ غازی خان:
ن لیگ کے محمود قادر خان نے 82,413 ووٹ حاصل کئے، جبکہ پیپلز پارٹی کے دوست محمد کھوسہ 48,262 ووٹ لے سکے۔

این اے 143، چیچہ وطنی:
مسلم لیگ (ن) کے طفیل جٹ 136,313 ووٹوں کے ساتھ جیت گئے۔ آزاد امیدوار ضرار اکبر 13,120 ووٹ لے سکے۔

این اے 96، فیصل آباد:
بلال بدر (ن لیگ) نے 93,009 ووٹ حاصل کیے، آزاد امیدوار نواب شیر وسیر 43,025 ووٹ لے سکے۔

پنجاب اسمبلی کے غیر حتمی، غیر سرکاری نتائج

پی پی 73، سرگودھا:
میاں سلطان علی رانجھا (ن لیگ) 71,770 ووٹ لے کر کامیاب رہے۔

پی پی 87، میانوالی:
علی حیدر نور خان نیازی (ن لیگ) 67,870 ووٹوں کے ساتھ فاتح قرار پائے۔

پی پی 98، فیصل آباد:
آزاد علی تبسم (ن لیگ) 44,388 ووٹ لے کر کامیاب ہوئے۔

پی پی 115، فیصل آباد:
محمد طاہر پرویز (ن لیگ) 49,046 ووٹوں کے ساتھ جیت گئے۔

پی پی 116، فیصل آباد:
احمد شہریار (ن لیگ) 48,824 ووٹ لے کر پہلے نمبر پر رہے۔

پی پی 203، چیچہ وطنی:
چوہدری حنیف جٹ (ن لیگ) 46,820 ووٹوں کے ساتھ کامیاب ہوئے۔

پی پی 269، مظفر گڑھ:
پیپلز پارٹی کے میاں علمدار عباس قریشی نے 55,868 ووٹوں سے کامیابی حاصل کی۔