کراچی میں خشک اور خنکی برقرار، درجہ حرارت 14 سے 16 ڈگری رہنے کا امکان

news-banner

تازہ ترین - 29 نومبر 2025

کراچی: محکمۂ موسمیات نے پیشگوئی کی ہے کہ شہر میں آئندہ 24 گھنٹوں کے دوران موسم خشک اور رات کے وقت خنک رہے گا۔

 

محکمہ موسمیات کے مطابق شہر بھر میں تیز اور خشک ہوائیں چلتی رہیں گی، جبکہ کم سے کم درجہ حرارت 14 سے 16 ڈگری سینٹی گریڈ رہنے کا امکان ہے۔

 

گزشتہ 24 گھنٹوں کے دوران کراچی میں زیادہ سے زیادہ درجہ حرارت 30 ڈگری سینٹی گریڈ ریکارڈ کیا گیا۔

 

محکمہ کا کہنا ہے کہ اس وقت شہر میں شمال کی سمت سے 4 کلومیٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 40 فیصد ہے۔