ٹیکساس میں بم دھماکے کی دھمکی دینے والا افغان شہری گرفتار

امریکی ریاست ٹیکساس میں حکام نے ایک افغان شہری کو اس وقت گرفتار کر لیا جب اُس نے ٹک ٹاک پر ویڈیو پوسٹ کرتے ہوئے بم بنانے اور فورٹ ورتھ شہر کو نشانہ بنانے کا دعویٰ کیا۔

امریکی میڈیا کے مطابق گرفتار شخص کی شناخت محمد داؤد الوکزئی کے نام سے ہوئی ہے۔ 

اس نے سوشل میڈیا پر ویڈیو میں دعویٰ کیا تھا کہ وہ بم تیار کر چکا ہے اور شہر پر حملہ کرے گا۔

رپورٹس کے مطابق داؤد الوکزئی کو سات ستمبر 2022ء کو امریکہ میں مستقل رہائش (گرین کارڈ) ملا تھا، جب کہ منگل کے روز ڈیپارٹمنٹ آف ہوم لینڈ سکیورٹی نے اسے حراست میں لیا، اور اب اس کے خلاف مقدمہ شروع کر دیا گیا ہے۔

واضح رہے کہ چند روز قبل وائٹ ہاؤس کے قریب نیشنل گارڈز پر فائرنگ کے ایک واقعے میں ملوث افغان شہری رحمان اللہ لکنوال کو بھی گرفتار کیا گیا تھا، جو 2021ء میں امریکہ آیا تھا۔