کراچی: پیرآباد فرنٹیئر کالونی سے 10 سالہ بچی مریم اغوا، پڑوسی حیدر شاہ نامزد

شہر قائد کے علاقے پیرآباد فرنٹیئر کالونی سے 10 سالہ بچی مریم کو مبینہ طور پر اغوا کر لیا گیا۔

پولیس کے مطابق بچی کی والدہ کی مدعیت میں پیرآباد تھانے میں اغوا کا مقدمہ درج کیا گیا ہے، جس میں پڑوسی حیدر شاہ کو نامزد کیا گیا ہے۔

والدہ کے مطابق 28 نومبر کی شام تقریباً 6 بجے مریم گھر کے باہر کھیل رہی تھی کہ اچانک لاپتا ہوگئی۔

 اہلِ خانہ نے قریبی علاقوں میں تلاش کی مگر بچی کا کوئی سراغ نہ مل سکا۔ والدہ نے اپیل کی کہ بچی کو جلد از جلد بازیاب کرایا جائے۔

پولیس کا کہنا ہے کہ واقعے کی تحقیقات جاری ہیں اور نامزد ملزم سمیت تمام پہلوؤں کا جائزہ لیا جا رہا ہے۔