پاکستان انڈر 17 ٹیم کی گوام کے خلاف 11–0 کی تاریخی کامیابی

news-banner

کھیل - 01 دسمبر 2025

انڈر 17 ایشین کپ کوالیفائر میں پاکستان نے گوام کے خلاف شاندار اور تاریخی کامیابی حاصل کی۔

 

بشکیک میں کھیلے گئے میچ میں پاکستان کی انڈر 17 فٹبال ٹیم نے گوام کو 0–11 کے بڑے مارجن سے ہرا دیا۔

 

پہلے ہاف میں پاکستان نے چار صفر کی برتری حاصل کی، جبکہ دوسرے ہاف میں مزید سات گول اسکور کرتے ہوئے میچ کو یکطرفہ بنا دیا۔

 

 عبدالصمد نے 4، کلیم اللہ جونیئر نے 3، جبکہ عبداللہ، شہرام، حسنین اور شرف نے ایک ایک گول داغا۔

 

یہ فتح پاکستان کی انڈر 17 ٹیم کی بین الاقوامی مقابلوں میں سب سے بڑی کامیابی ہے۔ گروپ مرحلے میں پاکستان نے پانچ میں سے تین میچ جیتے جبکہ دو میں شکست کا سامنا کرنا پڑا۔