اے این پی جمہوریت، برداشت اور ترقی کی علامت ہے، ایمل ولی خان کا بیان

عوامی نیشنل پارٹی (اے این پی) کے مرکزی صدر سینیٹر ایمل ولی خان نے کہا ہے کہ پارٹی پاکستان میں جمہوریت، برداشت اور ترقی کی مضبوط علامت ہے۔ پشاور سے جاری اپنے بیان میں انہوں نے مطالبہ کیا کہ گورنر راج کے معاملے میں اے این پی کو شامل نہ کیا جائے۔

ایمل ولی خان کا کہنا تھا کہ اے این پی کی بنیاد خدائی خدمتگار تحریک کے عدم تشدد اور انسانی وقار کے اصولوں پر رکھی گئی ہے۔ انہوں نے کہا کہ پارٹی کا نظریہ امن، برداشت اور بین المذاہب ہم آہنگی کو فروغ دیتا ہے، جبکہ پشتون قوم نے ہمیشہ ظلم اور نوآبادیاتی رویوں کے مقابلے میں باوقار مؤقف اپنایا۔

انہوں نے مزید کہا کہ اے این پی 1986ء سے جمہوری سوشلزم، وفاقیت اور پختون قوم کی ترقی کی مضبوط آواز رہی ہے۔ پارٹی پشتون قوم پرستی کو امن، ترقی اور انصاف کے ساتھ جوڑ کر آگے بڑھانے پر یقین رکھتی ہے۔

ایمل ولی خان کے مطابق اے این پی آج بھی ملک میں جمہوریت اور برداشت کی نمائندہ جماعت ہے۔