آکسفورڈ یونین میں پاکستان کی فتح، ملک شرجیل اعوان نے عالمی سطح پر کامیابی قرار دے دیا

معروف تھنک ٹینکر اور سابق مشیرِ وزیراعظم ملک شرجیل اعوان نے آکسفورڈ یونین میں پاکستان اور بھارت کے درمیان اہم مباحثے میں پاکستان کی فتح پر خوشی کا اظہار کرتے ہوئے اسے عالمی سطح پر ایک بڑی سفارتی کامیابی قرار دیا۔

پاک میڈیا سینٹر اور ہالینڈ و برسلز کمیونٹی کے زیر اہتمام منعقدہ تقریب میں خطاب کرتے ہوئے انہوں نے پاکستان کے ہائی کمشنر ڈاکٹر محمد فیصل کی مدبرانہ حکمت عملی اور بہترین سفارتی انداز کو سراہا، جس نے پاکستان کو واضح فتح دلائی۔

ملک شرجیل اعوان نے کہا کہ آکسفورڈ یونین نے دنیا کے ممتاز اداروں کے طلبہ کو منصفانہ پلیٹ فارم فراہم کیا، جہاں پاکستان نے اپنی مضبوط، ذمہ دار اور امن خواہ پوزیشن عالمی برادری کے سامنے پیش کی۔ 

انہوں نے کہا کہ پاکستان کی یہ کامیابی عالمی سطح پر اس کے موقف کو اجاگر کرنے اور نوجوان نسل کے اعتماد میں اضافہ کرنے کے لیے نہایت اہم ہے۔