اسلام آباد سے لاہور موٹروے پر جدید روڈ ویذر الرٹ سسٹم متعارف

پاکستان اپنی جدید ترین روڈ ویذر الرٹ سسٹم کو اسلام آباد سے لاہور موٹروے پر متعارف کرانے کی تیاری کر رہا ہے، جو ‘ویڈر آن دی وے’ پروگرام کے تحت کام کرے گا۔

 یہ شراکت داری ویدر ون اور ون نیٹ ورک کے درمیان خطے میں اپنی نوعیت کی پہلی کوشش ہے، جس کا مقصد ہائپر لوکل موسمی معلومات فراہم کرنا ہے۔

سسٹم میں 14 خودکار موسمی اسٹیشنز، 5 فضائی معیار کے سینسر، 4 ویزیبلٹی سینسر، سیٹلائٹ فیڈز اور موسمی پیشن گوئیاں شامل ہیں، جو ایک ڈیسیژن سپورٹ انجن کے ذریعے پروسیس کی جاتی ہیں۔

 یہ مسافروں کو دھند، بارش، ہوا، کم دیکھائی دینے والی صورتحال اور دیگر بدلتی ہوئی موسمی حالتوں سے آگاہ کرے گا۔

مسافر اس معلومات تک اسمارٹ فون ایپ، ویب پلیٹ فارم اور ٹول پلازوں پر نصب ایس ایم ڈی ڈسپلے اسکرینز کے ذریعے رسائی حاصل کریں گے۔

 یہ نظام روڈ آپریٹرز، سرکاری اداروں اور ڈرائیورز کو حقیقی وقت کی موسمی معلومات فراہم کرے گا، جس سے محفوظ سفر اور بہتر فیصلے کرنے میں مدد ملے گی۔