ایلون مسک کی پیشگوئی: 5 سے 10 سال میں جنگ ناگزیر، سوشل میڈیا پر ہلچل

ٹیسلا اور اسپیس ایکس کے سربراہ ایلون مسک نے سوشل میڈیا پر ایک مختصر مگر چونکا دینے والی ٹویٹ کے ذریعے کہا ہے کہ پانچ سے دس سال کے اندر جنگ ناگزیر ہو سکتی ہے۔

مسک نے کسی مخصوص خطے یا وجوہات کا ذکر نہیں کیا، جس سے صارفین میں تجسس اور قیاس آرائیوں کا طوفان برپا ہو گیا۔ یہ تبصرہ ایک گفتگو کے جواب میں سامنے آیا، جس میں ہنٹر ایش نے کہا تھا کہ جوہری ہتھیاروں کے باعث بڑی طاقتوں کے درمیان جنگ کا امکان ختم ہو گیا ہے۔

ایلون مسک کے اس بیان کو سمجھنے کے لیے ان کی کمپنی xAI کے چیٹ بوٹ گروک (Grok) سے سوال کیا گیا، جس نے واضح کیا کہ مسک نے تفصیل نہیں دی لیکن ممکنہ خطرات میں بین الاقوامی تنازعات، داخلی خانہ جنگیاں اور سیاسی انتشار شامل ہو سکتے ہیں۔